Кимё ва физика фанларидан миллий сертификат имтиҳонлари санаси эълон қилинди

2023 йил 23 феврал куни кимё ва физика фанларидан навбатдаги миллий сертификат имтиҳонлари учун талабгорларни рўйхатга олиш бошланади. Бу ҳақида Билим ва малакаларни баҳолаш агентлиги хабар бермоқда.

Рўйхатга олиш my.dtm.uz сайтининг “Миллий сертификат” бўлими орқали амалга оширилади ва 8 март (тўлов қилиш 9-март) кунига қадар давом этади.

Талабгорлар рўйхатдан ўтиш вақтида тест топшириш тили (ўзбек, рус, қорақалпоқ) ва тест топшириш ҳудудини танлашлари мумкин.

Ушбу фанлардан тест синовлари 2023 йил 2 апрел (якшанба) куни ўзбек, рус ва қорақалпоқ тилларида ўтказилади.

Тест синовлари талабгорларга қулай бўлиши учун барча ҳудудларда ташкил этилади.