Математика, рус тили ва адабиёти фанларидан миллий сертификат учун талабгорларни рўйхатга олиш бошланди

2024-йил 8-апрель куни математика, рус тили ва адабиёти фанларини билиш даражасини баҳолаш тест синовлари учун талабгорларни рўйхатга олиш бошланди.

Билим ва малакаларни баҳолаш агентлиги томонидан эълон қилинган 2024 йилнинг 1-ярмида бўлиб ўтадиган миллий сертификат имтиҳонлари режасига кўра бугун, 8 апрел куни математика, рус тили ва адабиёти фанларидан миллий сертификат учун рўйхатдан олиш бошланди.

Рўйхатга олиш my.uzbmb.uz сайтининг “Миллий сертификат” бўлими орқали амалга оширилмоқда ва 14-апрел (тўлов қилиш 15-апрел) га қадар давом этади.

Рўйхатдан ўтишда талабгорлар ўзларига қулай бўлган ҳудудни танлаган ҳолда мазкур ҳудудда тест синовларида иштирок этишлари мумкин.

Эслатиб ўтамиз, кимё ва география фанларидан миллий сертификат имтиҳонларини 2024 йил 19-май ойида ўтказиш режалаштирилган.